نصائح غذائية لزمن COVID-19

"هادي بعض النصائح على كيفاش تغدي الطفل ديالك في الزمن ديال COVID-19.

واش كاينين شي شروط خاصة باستعمال بديل حليب الأم خلال الأزمة ديال COVID-19؟

استعمال حليب الأم هو الحل الأسلم. ومع ذلك، استعمال بديل حليب الأم بحال الحليب المجفف أو الحليب الجاهز الخاص بالأطفال مسموح به إلا كنتي مريضة و متقدريش ترضعي. الحليب الجاهز الخاص بالأطفال خاص يتستعمل ملي مايكونش عندك ماء نقي و أجهزة للتعقيم. تقدري تبداي تستعملي الحليب UHT كامل الدسم بداية من 6 أشهر.

واش نقدر نوكل ولدي اللي عندو 6 شهور أو أكثر في زمن COVID-19؟

أه، خاص توكلي الطفل ديالك و تعتامدي نظام غذائي متوازن فيه الفواكه، الخضر، البيض، القطاني، الحوت واللحم كل نهار مع الحفاظ على الرضاعة الطبيعية حتى سن العامين. خاصك تغسلي يديك بانتظام وتتأكدي بلي الطفل ديالك كيغسل يديه بانتظام بالماء والصابون وتبقاو في الدار أطول مدة ممكنة. خاص دائما الأواني و الأدوات المنزلية تكون نظيفة.

علاش التغذية السليمة مهمة في زمن COVID-19؟

التغذية السليمة والرياضة مهمين للحفاظ على صحة جيدة وحياة طويلة.

أشنو هي الأهمية ديال الرضاعة الطبيعية الحصرية؟

الرضاعة الطبيعية كتساعد الطفل على مقاومة الأمراض وهي أفضل غذاء اللي غايساعد الطفل على النمو.
الرضاعة الطبيعية كتوفر للطفل جميع الحاجيات ديالو كالماكلة والماء اللي كيحتاجها الطفل في الست الأشهر الأولى.
ماتعطيش حتى شي حاجة أخرى للطفل ديالك في الست الأشهر الأولى، حتى الماء ممنوع.
ملي كيكون الحال سخون ، الرضاعة الطبيعية غادي تروي العطش ديال الطفل ديالك.
إلا عطيتي للطفل ديالك شي حاجة أخرى هادشي غادي يخليه يرضع كمية أقل من حليب الأم، و هاكا كمية الحليب اللي كتنتجي غادي تنقص ويقدر الطفل يمرض.
يمكن لك تعطي للطفل ديالك الدواء إلى نصحك به عامل الصحة ديالك. "